"പലതില്‍ ചിലത്"

"തില്‍ ചിലത്"

March 07, 2013

പലതിൽ ചിലത് (10)

പലതിൽ ചിലത്  (10)
-------------------------------
ചില ജല്പനങ്ങൾ....
-------------------------

ഭ്രാന്ത്...
----------
മനസ്സിനെ
ചങ്ങലക്കിട്ടവനൊടുവിൽ
കാലിലണിയുന്നത്...

നല്ലപാതി
--------------
സ്നേഹമന്ത്രങ്ങൾക്ക്
ഭ്രാന്തിന്റെ പര്യായം കുറിച്ചവൾ...


സമരം...
------------

ഞാൻ സ്വതന്ത്രനാകുന്നത്
എന്റെ ഭ്രാന്തിൽ മാത്രം..
കാമം...
----------
തപ്തനിശ്വാസങ്ങളിലെന്റെ സ്നേഹത്തെ
ഭ്രാന്തായാദ്യം തിരിച്ചറിഞ്ഞവൾ നീ...
ഭ്രാന്തം...
------------
മനസ്സ് തുറന്ന ഒരു ചിരി,
ഒന്നുള്ളുപ്പൊട്ടിക്കരച്ചിൽ
കഴ്ച  വിരൽ ചൂണ്ടിപ്പറയുന്നത്...
ഉണ്മാദം
-------------
വിശപ്പിനെ
ഭ്രാന്തെന്ന് പറയരുതെന്നോ... ? !

അതിനേത് വിശപ്പെന്ന് ഞാൻ പറഞ്ഞില്ലല്ലോ... ?


ഭ്രാന്തൻ...
‌‌‌‌‌‌‌‌‌‌‌‌‌‌‌--------------
കാമത്തിന്റെ
വാലിൽക്കെട്ടിയെന്റെ
സ്വാതന്ത്ര്യത്തെ, സന്തോഷത്തെ
മാനം കൊടുത്തരുതേ... 



ആനച്ചിന്ത...
-------------------
മദം പൊട്ടും മുന്നേ
ചങ്ങലയിലെന്നെയിടപ്പൂട്ടു പൂട്ടി
മതിലുചാടുന്ന മനുഷ്യർ... 


സമൂഹം...
-------------------------
മനോരോഗവിദഗ്ദനെനിക്ക്
മരുന്നുരക്കുന്നു മുടങ്ങാതെ-
കഴിക്കുവാനെനിക്കെന്താ ഭ്രാന്താ... ?

സംശയം...
-----------------
ചങ്ങലകളിങ്ങനെ
കിലുങ്ങിക്കിലുങ്ങി
ചിരിക്കാനും, കരയാനും ഭ്രാന്തുണ്ടോ...?


February 16, 2013

പലതിൽ ചിലത് (9)



പലതിൽ ചിലത് (9)
--------------------------------

സംശയം
....
----------------
തീ ഇല്ലെങ്കിലും
അവളെ എപ്പോഴും പുകമറയി
കാണുന്നത്...
ഏകൻ
--------------

എന്റെ നിഴൽത്തണലിൽ
വിയർപ്പാറ്റുന്നു ഞാൻ

 
താക്കോൽ..
---------------
കള്ളന്റെ കയ്യിലായാൽ
ഞാനുമവനാകുമോ..?

നുണ 
----------
നിലാവ് വിയർക്കുന്ന പ്രഭാത
ത്തിൽ
മരങ്ങൾക്ക് കുളിരെന്ന് കാറ്റ്
....

എഴുത്തുകൾ…
----------------------------

കരിക്കലത്തിൽ കണ്ണെഴുതിയ മുത്തശ്ശി,
കണ്മഷിൽ കണ്ണെഴുതിയ അമ്മ,
കണ്ണെഴുതാതെ വന്ന ഭാര്യ,
കണ്ണുതന്നെ മാറ്റിയെഴുതുന്ന മകൾ...
 
ഇരുട്ട്…
--------------
നിലാവിന്
നിഴലിനോടുള്ള പരിഭവം…


പെണ്ണ്…
------------
വളരുന്തോറും
ഒളിച്ചുവയ്ക്കപ്പെടുന്നവൾ…

ആണ്…
------------
ആണ് - ചെണ്ട,
കോല് - ആവശ്യങ്ങൾ,
താളം - ജീവിതം
പിന്നെ മേളം,
കഴിഞ്ഞാൽ
ചെണ്ടയും കോലും മൂലയിൽ..